Ish-kryeministri italian Silvio Berlusconi ka rezultuar pozitiv me virusin ‘Covid-19’. Lideri 83 vjecar i “ Forza Italia” iu nënshtrua testit të tamponit pas qëndrimit në Sardenja. “ Më ndodhi dhe kjo fatkeqësisht, por unë do ta vazhdoj betejën”, është shprehur ai.
Mjeku personal Alberto Zangrillo sqaroi se Berluskoni “ është asimptomatik dhe aktualisht është izoluar në shtëpi, ashtu sic e diktojnë rregullat në fuqi”.
Në çdo rast, ai do të vazhdojë të mbështesë ‘Forza Italia’ dhe kandidatët e qendrës së djathtë në zgjedhjet rajonale dhe administrative, me intervista të përditshme në gazeta, në televizione dhe në rrjetet sociale”, thuhet në një njoftim të partisë “Forza Italia”.
