Situata në Gjermani vijon të jetë kritike, pasi u përfshi nga reshjet e dendura të shiut dhe nga përmbytjet.
Numri i viktimave vijon të rritet, sipas raportimeve të deritanishme të paktën 80 persona kanë humbur jetën deri më tani dhe më shumë se 1000 të tjerë rezultojnë të zhdukur.
Me qindra shtëpi dhe rrugë janë shkatërruar. Kjo është një nga katastrofat natyrore më të rënda që ka përjetuar Gjermania që nga Lufta e Dytë Botërore. Reshjet e dendura të shiut dhe përmbytjet kanë përfshirë edhe verilindjen e Francës, Belgjikën, Holandën dhe Zvicrën.
