Edhe pse një festë “e huazuar”, Halloween-i është kthyer në një kremtim të preferuar nga shqiptarët, e sidomos nga fëmijet.
Dikur lidhej me një traditë të hershme, që pretendonte largimin e shpirtrave të vdekur që në këtë ditë besohej se ktheheshin në tokë. Ndërsa tani, ka marrë një karakter shumë më komercial, pre e të cilit bien sidomos fëmijët, ndërsa prindërit nuk i thonë dot “Jo” kërkesavë te tyre.
Sipas një artikulli të Monitor, shqiptarët bëjnë shpenzime të “frikshme” për 31 tetorin. “Familjet përpiqen të gjejnë kostume, të blejnë kunguj, të dekorojnë shtëpitë, kurse bizneset, ambientet e tyre. Ajo që dikur shihej si një ‘festë e huaj’, shumë e shohin si një kalim në një sezon të vërtetë feste dhe tashmë po shndërrohet në një ‘industri’ prej qindra eurosh,” thuhet aty.
Ja tabela e shpenzimeve:
Kostume për të rritur: 2,500 lekë
Kostume për fëmijë: 1,500 lekë
Kostume për kafshë: 1,000 lekë
Aksesorë si maska, kapele: 500 lekë
Dekore të ambienteve: 15,000 lekë
Dekore të vogla për shtëpi: 1,500 lekë
Ëmbëlsira: 2,000 lekë
Kungull natyral: 500 lekë
Make up festiv: 3,000 lekë
Sete fotografike: 3,500 lekë
