Granit Cana u largua nga shtëpia e “Big Brother VIP” këtë të premte, dhe së fundmi ai ka qenë i ishte ftuar në “Fan Club” për të diskutuar rrugëtimin e tij në shtëpinë më të famshme në Shqipëri.
Gjatë qëndrimit të tij në “Big Brother” ai u diskutua për marrëdhënien me Fifin, por sidomos për xhelozinë që Fifi ndjente ndaj vajzave të tjera e veçanërisht Semit.
Kujtojmë që Semi dhe Graniti janë parë shpesh shumë të afërt, madje edhe rrëfimin më emocionues, atë për ndarjen e prindërve dhe vështirësitë e jetës e ka bërë me Semin.
Graniti është shprehur se me këngëtaren ndihet mirë e po ashtu ka thënë se “është detyruar” të largohet nga ajo për shkak të debateve që ka patur me Fifin.
I ftuar në “Fan Club”, Graniti pranoi se Semi është vajza që i pëlqen më shumë brenda shtëpisë. Ai tha se nëse nuk do ishte i lidhur me vajzën jashtë shtëpisë, do të flirtonte me Semin.
I pyetur se çfarë i pëlqen te Semi ai përmendi fillimisht pamjen fizike dhe më pas karakterin.
