Një peshë e madhe u hoq nga shpatullat e Kim Kardashian vetëm disa orë përpara se të prezantonte Saturday Night Live, pasi Kanye West u kthye me kasetën e saj të seksit në episodin e tretë të “The Kardashians” të Hulu.
Në episodin e 28 prillit të “The Kardashians”, themeluesja e SKIMS zbuloi se Kanye “Ye” West siguroi pamjet e fundit të kasetës së saj famëkeq me ish-partnerin Ray J, që u zbulua në vitin 2007. “Ai më ktheu të gjithë kasetën”, i tha Kim e emocionuar Kris Jenner. “Ai fluturoi në shtëpi dhe mori kompjuterin në të cilin ishte dhe hard diskun. Ai u takua me Ray J në aeroport”, shtoi ajo.
Ky ishte një lehtësim i kuptueshëm për Kim, pasi kërcënimet për një kasetë të dytë seksuale e shqetësonin prej kohësh ndërsa po përgatitej për paraqitjen e saj të tetorit në “Saturday Night Live”. “E di që Kanye e bëri këtë për mua, por ai e bëri këtë edhe për fëmijët e mi”, tha Kim në një rrëfim. “Unë dua t’i mbroj ata nga sa më shumë që të mundem. Dhe nëse do të kisha fuqinë për të bërë këtë, ose nëse Kanye ka fuqinë për të bërë këtë, kjo është gjëja më e rëndësishme për mua. Dhe unë jam shumë emocionale për shkak të saj”.
Kim dhe Kanye kanë katër fëmijë së bashku, North 8 vjeç, Saint 6 vjeç, Chicago 4 vjeç, dhe Psalm 2 vjeç.
Pasi ngushëlloi Kim-in, Kris iu drejtua Kanye-s dhe i tha: “Faleminderit Kanye për mënyrën e pabesueshme që i bën gjërat dhe aftësinë për të bërë diçka. Të gjithë jemi shumë mirënjohës”.
Megjithatë, Kanye e bëri të qartë se ai nuk pagoi për hard diskun, duke vënë në dukje, “Nuk do zhvatemi më kurrë”. Por çfarë ndodhej në pamjet e fundit? Kim konfirmoi se nuk kishte asgjë për t’u bërë e madhe, duke treguar: “Ishin vetëm pamjet tona në një restorant, në një klub nate, asgjë seksuale. Asgjë e çuditshme”.
