Lija e majmunëve po shkakton një shqetësim në mbarë botën. Organizata Botërore e Shëndetësisë në një njoftim për shtyp së fundmi ka raportuar se deri më tani janë 92 raste të konfirmuara dhe 28 raste të dyshuara të lisë së majmunëve në 12 vende.
Rastet e konfirmuara janë identifikuar në shtetet si: Australi, Belgjikë, Kanada, Francë, Gjermani, Itali, Holandë, Portugali, Spanjë, Suedi, Mbretërinë e Bashkuar dhe Shtetet e Bashkuara, të cilat kanë nga një deri në pesë raste.
Lija e majmunëve është një infeksion i rrallë viral më i zakonshëm në pjesët e largëta të Afrikës Qendrore dhe Perëndimore. Sëmundja, e gjetur fillimisht te majmunët, nuk ka tendencë të përhapet lehtësisht midis njerëzve, por mund të transmetohet përmes kontaktit të ngushtë fizik, duke përfshirë marrëdhëniet seksuale.
Simptomat, të cilat përfshijnë një temperaturë të lartë, dhimbje dhe një skuqje të njollave të ngritura që më vonë kthehen në flluska, janë zakonisht të lehta dhe për shumicën e njerëzve zhduken brenda dy deri në katër javë.
Galeria fotografike
