KreuBusull

“Në sfidë me veten”, Eksperiencat e Ermal Mamaqit i gjeni në librin e tij të parë!

Ermal Mamaqi ka surprizuar jo pak ndjekësit e tij, pasi ka publikuar librin e tij të parë, “Në garë me veten”.

Pas suksesit me trajnimet motivuese që prej kohësh Mamaqi bën, duket se ky libër e ka plotësuar edhe më tepër atë që ai do të përçojë te të gjithë ne, duke ndarë eksperiencat dhe sfidat me të cilat është përballur.


Ermali e cilëson këtë projekt si një nga më të dashurit e tij, qëllimi i të cilit është që të të ndihmojë të bëhesh ai që duhet të jesh, “Versioni yt më i mirë”.

“I lumtur t’ju prezantoj me një ndër projektet më të dashura për mua: Librin tim të parë “NË GARË ME VETEN”. Një krijim i veçantë, ku kam përmbledhur të gjithë eksperiencën time, përvojën në jetë, biznes dhe marrëdhënie… Kam përshkruar çdo sfidë, mendim, mësim që kam marrë përgjatë sfidave dhe mundësive të jetës. Ishte një qëllim i vendosur kohë më parë, të cilin tani e shoh të realizuar dhe për këtë ndihem i lumtur. Shpesh ndodh që jeta, sfidat dhe besimet e vjetra të na marrin përpara, duke mos na lejuar t’u përkushtohemi gjërave që nxjerrin në pah potencialin tonë të vërtetë, veten tonë më të lartë. E di se si për shumë të tjerë, kjo mund të jetë edhe sfida jote… Prandaj jam i lumtur të di se ti tani ke mundësinë të kesh në dorë këtë libër, ku do gjesh veten, do të marrësh zgjidhje, ide, mësime apo ndoshta thjesht pak mirëkuptim. Miqtë e mi, nëse do t’ju jepja një këshillë për këtë libër do të ishte kjo: Mos e lexoni. STUDIOJENI. Gjithë çka unë di e kam shprehur në këto faqe: dhjetra vite, momente dhe situata nga të cilat kam marrë mësimet e duhura që më kanë sjellë pikërisht këtu, tani. Unë e di se secili nga ne ka brenda vetes më shumë se sa shfaq. Dhe tani është koha më e mirë që ta shpalosësh veten drejt një realiteti të ri, drejt një jete të re..

Ky libër mund të të ndihmojë të bëhesh ai që duhet të jesh, VERSIONI YT MË I MIRË. Ju përqafoj dhe ju falënderoj që jeni me mua, Ermali”, ka shkruar Ermal Mamaqi.

 

A post shared by Ermal Mamaqi (@ermalmamaqiofficial)

Ç

Tags:

Home

Bordo No.64
Nëntor 2023

SHKARKO VERSIONIN PDF