Kreu Stil Jetese

Plazhet italiane kufizojnë numrin e vizitorëve: “Duhet ta mbrojmë këtë parajsë”

4 Qershor 2023, 18:19

Vera po afron me shpejtësi dhe bashkë me të edhe koha e pushimeve dhe turmave të turistëve në destinacionet e njohura të pushimeve.

Gjithashtu në plazhe, të cilat shpesh vuajnë nga shumë efekte negative, si për shembull, shkatërrimi i mjedisit, për shkak të turizmit masiv.

Prandaj, Italia ka vendosur të kufizojë numrin e vizitorëve ditorë në disa nga plazhet e saj më të njohura. “Ne duhet ta mbrojmë këtë parajsë dhe ekosistemin e saj të brishtë”, thekson kryebashkiaku i një qyteti të vogël në Sardenjë.

Popullariteti i jashtëzakonshëm i dy ishujve më të mëdhenj të Italisë, Sicilisë dhe Sardenjës, të njohur për plazhet e tyre të pacenuara dhe ujërat blu fluoreshente, ka shkaktuar ndikimin e vet në mjedisin lokal. Problemet më të mëdha të plazheve atje: një tepricë mbeturinash dhe vjedhje apo erozioni i rërës.

Për këtë arsye, autoritetet lokale thuhet se CNN kanë marrë masa shumë të veçanta këtë verë me të cilat duan të ruajnë mjedisin natyror. Këto janë kufizime strikte për numrin e vizitorëve në ditë, të cilat do të zbatohen kryesisht për disa nga plazhet më të vlerësuara në këto dy ishuj të njohur.

“Vendi ynë është i kryqëzuar me shkëmbinj të lartë të banuar nga muflone dhe shkaba. Ka vetëm rreth një duzinë plazhe në të cilat të gjithë dynden”, tha kryetari i bashkisë së Baunei Stefano Monni.

Cala dei Gabbiani dhe Cala Biriala tani kanë një kufi ditor prej 300 vizitorësh, ndërsa Cala Goloritze ka një kufi prej 250 vizitorësh në ditë dhe Cala Mariolu, më i madhi nga plazhet, ka një kufi ditor prej 700 personash.

Vizitorët në Cala Goloritze, e cila është e aksesueshme vetëm me këmbë ose me varkë, do të paguajnë edhe një tarifë hyrje prej gjashtë eurosh.

Pushuesit duhet të rezervojnë vendin e tyre në të gjitha këto plazhe përmes një aplikacioni të quajtur Cuore di Sardegna (Zemra e Sardenjës) të paktën 72 orë përpara vizitës së tyre.

Tags:

Home bordo