Është një nga femrat më të bukura në botës së filmit, një aktore shumë e talentuar, e diplomuar në Universitetin e Harvardit dhe një nënë e përkushtuar: Natalie Portman i ka të gjitha për të qenë femra perfekte. Por duket, as ajo nuk ka mundur t`i shpëtojë “mallkimit” të tradhëtisë bashkëshortore.
Fituesja 41 vjecare e cmimit Oskar dhe i shoqi 45 vjec, Benjamin Millepied, po kalojnë një moment të stuhishëm sipas mediave rozë. Vetëm pak ditë më parë ata u shfaqën mjaft të afërt në public, ku shkëmbyen edhe puthje por marrëdhënia e dyshes u trondit tani nga lajmi se balerini ka pasur një lidhje jashtëmartesore me një 25 vjecare.
Burime pranë ciftit thonë se ata nuk janë ndarë, por gjendja është tejet e tensionuar dhe Millepied po përpiqet me cdo kusht të shpëtojë martesën e tij. Ai ka tentuar ta bindë aktoren se lidhja me vajzën e re ishte dicka jetëshkurtër dhe një gabim për të cilin është penduar thellësisht.
Vetë Portman nuk ka bërë ende asnjë koment, por sipas burimeve, ajo është thellësisht e tronditur dhe ende nuk e ka vendosur nëse do ta falë apo jo të shoqin.
Horoskopi ditor, e shtunë 3 qershor 2023
Kanabisi shkakton depresion tek të rinjtë?!
