Shakira do të nderohet me çmimin e lakmuar Video Vanguard në MTV VMA 2023. Zbulimin e ka bërë vetë MTV me anë të një postimi në rrjetet sociale,ku ka njoftuar se superylli kolumbian do të nderohet me çmimin e rëndësishëm në “Video Music Awards 2023”, i cili do të transmetohet ‘live’ nga Qendra Prudential në New Jersey më 12 shtator.
Çmimi Michael Jackson Video Vanguard, i njohur gjithashtu si Çmimi Video Vanguard, është një çmim që u jepet artistëve incizues dhe regjisorëve të videove muzikore në MTV Video Music Awards, një ceremoni e themeluar në vitin 1984.
Krahas marrjes së çmimit, Shakira edhe do të performojë në spektakël, aty ku më parë ka fituar 4 trofe. Këtë vit, ajo është nominuar për katër kategori në ceremoni: Artistja e Vitit, Bashkëpunimi më i mirë për ‘TQG’ me Karol G, Latinishtja më e mirë për ‘TQG’ dhe ‘Acróstico’.
“Shakira vazhdon të frymëzojë dhe të ndikojë masat me aftësinë e saj unike muzikore. Ajo është një pioniere për gratë në mbarë botën dhe një nga artistet e para që udhëheq globalizimin e muzikës latine”, tha Bruce Gilmer, president i Paramount në një njoftim.
“Ndikimi i saj i madh në tregun muzikor do të jetë afatgjatë, pasi ajo vazhdon të krijojë dhe argëtojë në nivelin më të lartë”, vazhdoi Gilmer.
Horoskopi ditor, e martë 29 gusht 2023
Adele ndërpret koncertin për të mbrojtur fansin!
Julia Roberts kërkon të largohet nga aktrimi!
Horoskopi ditor, e hënë 28 gusht 2023
Bimët që ndihmojnë mëlçinë të pastrohet
