
Gjuetia më e madhe e përbindëshit të Loch Ness në më shumë se gjysmë shekulli ka rezultuar në disa raporte të shikimeve të mundshme, por asgjë përfundimtare. Vlerësimi i të dhënave do të kërkojë shumë kohë. Trofeja më e madhe deri tani janë vetëm raportet e regjistruara, megjithatë nuk ka sërish prova të ekzistencës së bishës së famshme.
Menaxheri i projektit Alan McKenna, mori një sërë videosh dhe udhëzimesh nga njerëzit që ndiqnin kamerat e transmetimit të drejtpërdrejtë të trajnuar në liqenin e famshëm në malësitë skoceze. Megjithatë, analizimi i të dhënave dhe dallimi mes fakteve dhe dëshirave do të kërkojë shumë kohë, tha ai.
Qendra Loch Ness, thekson Dë, ka bashkëpunuar me ekipin hulumtues vullnetar Loch Ness Exploration për të organizuar “The Quest”. Organizatorët thonë se gjahu dyditor ishte kërkimi më sistematik që nga viti 1972 për përbindëshin e pakapshëm ose imagjinar të njohur si “Nessie”.
Ata thanë se do të përdorin pajisje vëzhgimi që nuk ishin provuar kurrë më parë në liqen, duke përfshirë dronët termikë. Një hidrofon u përdor gjithashtu për të zbuluar sinjalet akustike nën ujë. Qindra vetë iu bashkuan nismës.
Vullnetarë nga e gjithë bota u dërguan në 17 vende përreth liqenit për të parë ndonjë shenjë të ‘Nessie’, ndërsa të tjerët u nisën me varka. Qindra persona po ashtu e ndoqën kërkimin e Loch Ness duke përdorur kamera në internet.
McKenna dhe ekipi i tij udhëtuan në liqen disa herë dhe përdorën një mikrofon nënujor, të quajtur hidrofon, me shpresën për të zbuluar misterin. Gjatë njërit prej testeve të premten, u dëgjuan “zhurma të çuditshme”, tha ai. Megjithatë, një kontroll në të njëjtin vend të dielën nuk zbuloi asgjë. Loch Ness, i vendosur në malësitë skoceze, është liqeni më i madh në Britaninë e Madhe për nga vëllimi, me një gjatësi prej 36 kilometrash dhe një thellësi maksimale 240 metrash. Legjenda e një përbindëshi në këtë vend u shfaq për herë të parë që në vitin 565 pas Krishtit, kur murgu irlandez Saint Columba tregoi për krijesën që sulmonte një notar.
Në vitin 1934, Daily Mail i Britanisë publikoi një foto që pretendonte se tregonte përbindëshin e Loch Ness. “Fotografia e kirurgut” e famshme më vonë u zbulua se ishte një mashtrim, megjithate ajo ndihmoi në popullarizimin e imazhit të krijesës ndërkombëtarisht. Qendra Loch Ness, e vendosur në fshatin Drumnadrochit në malësi, serish pretendon se janë regjistruar zyrtarisht 1100 shikime të përbindëshit.
Kërkimi i kësaj fundjave nuk është hera e parë kur studiuesit kanë hulumtuar liqenin për shenja të përbindëshit të Loch Ness. Në vitin 2018, një studim i ADN-së nga një grup studiuesish nuk gjeti asnjë provë të kafshëve të mëdha në Loch Ness, duke zbuluar vetëm praninë e ngjalave të shumta.




Adele ndërpret koncertin për të mbrojtur fansin!

Julia Roberts kërkon të largohet nga aktrimi!




Horoskopi ditor, e hënë 28 gusht 2023

Bimët që ndihmojnë mëlçinë të pastrohet





Threads së shpejti në versionin web


Horoskopi ditor, e dielë 27 gusht 2023


