Andrea Pirlo është shumë pranë emërimit si trajneri i ri i kombëtares së Italisë. Sipas gazetarit të njohur Fabrizio Romano, Federata Italiane e Futbollit po zhvillon bisedime të avancuara me ish-mesfushorin legjendar për një kontratë katërvjeçare, që do ta mbante në krye të “Axurrëve” deri në Kupën e Botës 2030.
Raportohet se marrëveshja parashikon një pagë prej rreth 1.5 milionë eurosh në vit, plus bonuse të lidhura me rezultatet.
Federata italiane e sheh Pirlon si njeriun e duhur për të ndërtuar një projekt afatgjatë dhe për ta rikthyer kombëtaren në nivelet më të larta të futbollit ndërkombëtar.
Sipas raportimeve, Carlo Ancelotti do të vazhdojë aventurën e tij në krye të Brazilit, ndërsa Pep Guardiola ka refuzuar kontaktet e bëra nga Italia. Kjo e ka bërë Andrea Pirlon kandidatin kryesor për të marrë drejtimin e kombëtares.
Ende nuk ka një njoftim zyrtar nga Federata Italiane, por negociatat janë në një fazë të avancuar dhe një marrëveshje pritet të arrihet së shpejti.
