Teksa vazhdojnë spekulimet për martesën e shumëpritur të Taylor Swift dhe Travis Kelce, një tjetër pyetje po ngjall kureshtje mes fansave: a do të jetë Beyoncé pjesë e ceremonisë?
Edhe pse çifti nuk ka bërë ende publik asnjë detaj rreth dasmës, raportimet dhe zërat për një organizim të afërt janë shtuar ndjeshëm. Sipas spekulimeve të fundit, ceremonia mund të zhvillohet gjatë fundjavës së festës së 4 Korrikut, në Madison Square Garden në New York.
Ndërkohë, vëmendja është përqendruar edhe te lista e të ftuarve, e cila pritet të përfshijë emra të njohur nga industria e muzikës dhe sportit. Mes tyre përmenden Ed Sheeran, motrat Haim, si dhe disa prej shokëve të Travis Kelce nga skuadra Kansas City Chiefs.
Një detaj interesant ka zbuluar së fundmi lojtari George Kittle, i cili tha në një intervistë se çifti u ka kërkuar të ftuarve të mos sjellin dhurata.
“Na thanë qartë: absolutisht asnjë dhuratë,” u shpreh ai me humor, duke shtuar se mund t’i dhurojë Kelce një monedhë të rrallë, pasi dihet se ai është koleksionist.
Sa i përket Beyoncé, deri tani nuk ka asnjë konfirmim nëse ajo do të marrë pjesë në ceremoni. Megjithatë, miqësia dhe respekti mes dy artisteve kanë qenë të dukshme ndër vite.
Në vitin 2023, Beyoncé ishte e pranishme në premierën e filmit “Taylor Swift: The Eras Tour”, ndërsa pak javë më vonë Taylor Swift mori pjesë në premierën e “Renaissance: A Film by Beyoncé”. Shfaqjet publike dhe mbështetja e ndërsjellë kanë forcuar bindjen e fansave se ylli i muzikës mund të jetë mes të ftuarve në dasmën që pritet të jetë një nga ngjarjet më të komentuara të showbiz-it.
