Beyonce përjetoi një moment paniku skenik gjatë njërit prej koncerteve të para të turneut të saj “Coëboy Carter”, të mbajtur në stadiumin SoFi në Los Angeles. Artistja e njohur për perfeksionizmin dhe shfaqjet spektakolare, u përball me një defekt në skenë, që mund të kishte pasoja të rënda. Gjatë performancës së këngës “Cozy”, dy krahë gjigantë robotikë duhej të pozicionoheshin për të inkuadruar në mënyrë perfekte këngëtaren, duke i dhënë iluzionin e një pikture lëvizëse.
Efekti artistik, megjithatë, kushtëzohej nga një detaj thelbësor: që Beyonce qëndronte pikërisht në një pikë të shënuar më parë në skenë. Mungonte kjo shenjë dhe artistja u vendos në një situatë të rrezikshme.
https://x.com/beyoncegarden/status/1918324748733276452
Pamjet e përhapura në internet treguan këngëtaren teksa kërkonte furishëm me sy shenjën që mungonte, përpara se një teknik i skenës të ndërhynte urgjentisht për të rivendosur një nga krahët mekanikë. Reagimet e fansave u shfaqën shpejt, e shumë prej tyre theksuan rrezikun e madh ndaj të cilit ishte ekspozuar Beyoncé teksa kritikuan neglizhencën e ekipit teknik. Mediat sociale vërshuan me komente që dënonin organizimin e dobët.“Ti kishe vetëm një punë për të bërë”, ka shkruar një përdorues, duke iu referuar ekipit të prodhimit. Një tjetër fanse vuri në dukje: "Vënia në rrezik Beyonce në mes të një shfaqjeje për shkak të neglizhencës është e pafalshme".
Një moment që ngjalli shqetësim ishte kur artistja dukej se parashikonte një ndikim të mundshëm me një nga krahët robotikë, duke ngritur dorën për të mbrojtur veten. Edhe pse rreziku u shmang në momentin e fundit, shprehja e fytyrës së saj të panikosur ishte më se e dukshme. Reagimet nuk u kufizuan vetëm në zemërim: pati edhe batuta të hidhura dhe supozime se dikush nga ekipi teknik duhet të paguante për këtë gabim. Një fans e përmblodhi situatën thjesht: “Dikush do të pushohet nga puna për këtë”.
Erzina Shehu, in her "Merakï" world!
Lista e nominimeve të BET Awards 2025!
