Jo vetëm futbolli po tërheq vëmendjen në Kupën e Botës 2026. Gjatë ndeshjes mes Shteteve të Bashkuara dhe Turqisë, dy yjet e Hollywood-it, Brad Pitt dhe Edward Norton, vodhën vëmendjen e publikut pasi u shfaqën së bashku në një nga tribunat VIP të stadiumit.
Mjaftuan vetëm pak sekonda transmetim në ekran që pamjet e tyre të bëheshin virale në rrjetet sociale, duke rikthyer nostalgjinë për filmin kult "Fight Club".
Fansat shpërthyen menjëherë me meme dhe batuta në platformën X dhe Instagram. Një nga komentet më të shpërndara ishte: "Rregulli i parë i Kupës së Botës është të mos flasësh për Kupën e Botës", një referencë direkte ndaj frazës ikonike të filmit.
Të tjerë bënë shaka se Edward Norton dukej sikur po fliste me veten, duke kujtuar fundin legjendar të filmit të regjisorit David Fincher.
Edward Norton talking to himself at the USA-Türkiye game ???? pic.twitter.com/7LKIwpWsMh
— SportsCenter (@SportsCenter) June 26, 2026
Përtej humorit, ribashkimi i Pitt dhe Norton u prit me entuziazëm nga adhuruesit e kinemasë. Dy aktorët mbeten të lidhur ngushtë me suksesin e "Fight Club", një prej filmave më të vlerësuar dhe më me ndikim në historinë moderne të kinemasë.
Për shumë tifozë, kjo ishte një nga momentet më të paharrueshme të Kupës së Botës 2026, edhe pse ndodhi larg fushës së lojës.
