Ka tronditur Rumaninë rasti një vajze trevjeçare nga Târgul Jiu e cila u nda nga jeta tragjikisht në ditëlindjen e saj. Vogëlushja festoi ditëlindjen, këndoi urimet dhe më pas u tha të pranishmëve se i dhembte koka, tregon gjyshja e saj me dhimbje, sipas observatornews.ro.Të afërmit e vajzës thonë gjithashtu se ditën në fjalë ajo ishte ndjerë shumë mirë, deri në mbrëmje, kur ka filluar të kollitet dhe ka pasur temperaturë. Vogëlushja po i nënshtrohej trajtimit me antibiotikë, të përshkruar nga mjeku i familjes, pasi ishte e ftohur.
"Ajo fjeti, hëngri, luajti. Pastaj tha se i dhemb koka pak, vetëm pak. Dhe tha se i dhimbte pak veshi. Mendova se do e zinte gjumi, si të gjithë fëmijët”, ka qenë rrëfimi i gjyshes.
Kur e panë se gjendja e saj po përkeqësohej, prindërit e saj e dërguan në qendrën mjekësore të urgjencës në Mătăsari, ku e pa një mjek. “ Mund të shihja që fëmija nuk po reagonte ndaj stimujve të dhimbshëm, ndaj stimujve verbalë," thotë Laurenţiu Diaconescu, një mjek në qendrën ambulatore Mătăsari, sipas burimit të lartpërmendur. Pasi u transferua në Urgjencë, vajza u stabilizua, por brenda 30 minutave iu nënshtrua arrest kardiorespirator. Pavarësisht reanimacionit, i cili zgjati një orë, e mitura ka ndërruar jetë. Konkluzionet paraprake të autopsisë treguan sindromën e stresit respirator akut. Sipas Agerpres, kjo shkaktoi arrest kardio-respirator që çoi në vdekjen e pacientit.
Një hipotezë e mjekëve është se vogëlushja mund të kishte marrë mjekimin e motrës së saj 5-vjeçare, e cila po trajtohet për autizëm, por prindërit e mohojnë me vendosmëri këtë skenar.
Si të eliminoni celulitin në prag të verës?!
Giro d’Italia: Rrugët që bllokohen sot!
Giro d’Italia: Rrugët që bllokohen sot!
GADGET: Fjala e fundit e teknologjisë!
