Të famshmet Kardashian njihen për zhveshjet e tyre të bujshme. Edhe pse mbretëresha e tyre është Kim, prapa nuk mbeten as Khloe e as Kourtney. Khloe është aktualisht në muajin e nëntë të shtatzënisë, e shumë shpejt pritet të sjellë në jetë një fëmijë të tretë në familjen Kardashian në harkun kohor prej më pak se një viti.
Duke qenë se pritjes së ëmbël po i vjen fundi, Khloe ka realizuar një set fotografik së bashku me bashkëshortin e saj. Edhe këtë herë, ajo nuk i ka kursyer pozimet toples apo vetëm me të brendshme, duke i dhënë një frymë sensualiteti realizimit të këtyre imazheve. Në bashkëpunim me firma të njohura të markave të të brendshmeve, Khloe ka sjellë një ide ndryshe mbi fotot gjatë pritjes së ëmbël.
Kardashian duket mjaft tërheqëse gjatë kësaj periudhe, ndërsa nuk ka lënë pas dore as imazhet me bashkëshortin. Ky i fundit e ka suportuar pa masë, e këtë Khloe e ka deklaruar përgjatë gjithë kohës.
