Romancat, fejesat, celebrimet…Duket sikur gjithçka po e mësojmë nga rrjetet sociale. Kjo, sepse personazhet parapëlqejnë të tregojnë më shumë në llogaritë personale në rrjet. Një nga këngëtarët shqiptarë dyshohet se është fejuar së fundmi, e kjo falë postimit të fundit në Instagram.
Bëhet fjalë për Erik Lloshin, i cili jo më larg se në dhjetor konfirmoi ndarjen nga e dashura disa vjeçare. Duket se Eriku e ka rigjetur dashurinë dhe nuk ka pritur më gjatë ta finalizojë në fejesë marrëdhënien e re. Në foton e re, Lloshi duket teksa mban dorën e një vajze, në gishtin e së cilës shihet një unazë fejese. Ai e ka shoqëruar postimin me disa ikona zemrash, ndërsa komentet me urime kanë qenë të menjëhershme.
Eriku ende nuk ka dhënë një konfirmim zyrtar, megjithatë duket se gjithçka të çon drejt fejesës. Nëse është e vërtetë, urime Erikut!
https://www.instagram.com/p/BeY60qcjGcp/
