Gjithmonë e më drastike po bëhen masat e marra nga shteti për të evituar përhapjen e Koronavirusit. Për të pabindurit, kryeministri është i detyruar të aplikojë gjobat.
Qytetarët që kapen duke lëvizur në rrugë në orarin e përcaktuar nga qeveria pra pas orës 18:00 do të gjobiten me 10 mijë lekë të rinj, si dhe do t’ju bllokohet makina 3 muaj nëse e disponon një të tillë.
Është publikuar menjëherë në Fletoren Zyrtare vendimi më i ri i kryeministrit Edi Rama për ndalimin e lëvizjes së këmbësorëve pas orës 18:00, si një masë parandaluese për përhapjen e koronavirusit.
