Mbretëresha do të kryejë detyrën e saj të parë të madhe ceremoniale publike që nga vdekja e Dukës së Edinburgut. Ajo sot do të marrë pjesë në hapjen shtetërore të parlamentit, ku Mbretëresha shënon fillimin e seancës parlamentare. Një ngjarje e cila është zakonisht më e gjalla e vitit parlamentar dhe është e mbushur me tradita dhe zakone që datojnë shekuj me radhë.
Do të jetë paraqitja e parë zyrtare e mbretëreshës në publik në rolin e saj si kryetare e shtetit dhe angazhimi i parë jashtë Kalasë së Windsor. Këtë vit, si në 2019 dhe 2017, ajo do të shoqërohet nga djali Princi Charles. Mbretëresha, me veshje ditore dhe kapelë, do të udhëtojë nga Pallati Buckingham në Pallatin e Westminster me makinë dhe jo me karrocën tradicionale.
Princi Philip, bashkëshorti më i gjatë në pushtet i kombit, i cili vdiq në moshën 99-vjeçare më 9 prill, kaloi dekada duke shoqëruar Mbretëreshën në këtë ngjarje, i ulur në një fron të artë zbukurues në krah të gruas së tij.
