Oprah Winfrey e meriton famën që ka; e kanë quajtur “mbretëresha e intervistave”, dhe me të drejtë, sepse jo kushdo arrin “t`i zberthejë” të ftuarit si ajo. Por edhe Oprah ka shkelur ndonjëherë në dërrasë të kalbur. Ajo rrëfen se pyetja më e keqe që ka bërë ndonjëherë ka qenë në një intervistë me aktoren Sally Field, e cila ishte ne një romancë me kolegun, Burt Reynolds.
Oprah e pyeti nëse Burt e hiqte nga koka paruken kur flinte.
“Ishte një gabim i madh. Edhe tani dridhem kur e kujtoj. E pyeta vetëm sepse producentët më thanë. Ishte ajo që të gjithë donin të dinin. Kështu që unë e bëra. Sally u ftoh fare, nuk foli më. E meritova atë reagim, ishte tërësisht e papërshtatshme”, tha së fundi moderatorja.
