Po flitet shumë për UFO-t këto ditë. Vetë ish presidenti amerikan, Barack Obama e pranoi se ka objekte të cilat autoritetet amerikane nuk kanë arritur t`i shpjegojnë dot, duke pohuar kështu njëfarësoj se mund të mos jemi vërtet të vetëm në Univers! Së fundi, po bën xhiron e botës një video ku shihet një object i errët pranë një anijeje të Marinës Amerikane, i cili papritmas, futet në ujë dhe zhduket! “Nëse kjo qenie është e kësaj bote apo e botës tjetër, ne nuk e dime.Është vetëm një pjesë e një serie ngjarjesh shumë më të mëdha për të cilat do të mësojmë,” shkrujante prodhuesi i dokumentarëve Jeremy Corbell, i pari që publikoi pamjet. Pentagoni më vonë pohoi se videoja, që besohet të jetë nga viti 2019, u mor nga personeli i Marinës Amerikane.
