Pas disa vitesh heshtje, larg skenës dhe ardhjes në jetë të vajzës së tij të parë, Ed Sheeran ka vendosur të rikthehet.
Kënga e tij e re “Bad Habits”, është një këngë verore, të cilën e ka shoqëruar me një videoklip ku Sheeran është në rolin e një vampiri. Ky projekt muzikor, i cili tashmë ka mahnitur fansat, do të jetë ndër këngët që artisti do të këndojë drejtpërdrejt sonte.
Sheeran do të mbajë një koncert virtual në Ipswich Town, në Britaninw e Madhe, për UEFA EURO2020, i cili do të transmetohet falas në të gjithë botën në faqen TikTok të Ed (@edsheeran) në 22:00, si një dhuratë për adhuruesit e tij të shumtë.
