Elon Musk, CEO i Tesla-s është përsëri personi më i pasur në botë, sipas raportit të Bloomberg Billionaires Index. CEO i Tesla ka një pasuri prej 187 miliardë dollarësh, duke lënë pas biznesmenin francez, Bernard Arnault, i cili renditet i dyti me një pasuri totale prej 185 miliardë dollarësh.
Personi i tretë më i pasur është Jeff Bezos, kryetar ekzekutiv i gjigantit të tregtisë elektronike, Amazon, me një pasuri prej 117 miliardë dollarësh. Arsyeja e rritjes së pasurisë së Musk i është atribuar rritjes së mprehtë të çmimit të aksioneve të Tesla-s që u rrit në 92% në 2023.
Deri më tani, pasuria e Musk është rritur në 50 miliardë dollarë në vitin 2023 dhe ai aktualisht zotëron 13% të aksioneve në Tesla. Deri më 27 shkurt, Bernard Arnault kishte qenë në pozitën e parë në Indeksin e Miliarderëve të Bloomberg, që nga tetori 2022.
Edhe pse Musk ishte në krye të indeksit për pjesën më të madhe të vitit 2022, aksioni i Teslës filloi të bjerë që kur ai bleu platformën e mediave sociale, Twitter në tetor 2022. Musk duhej të shiste miliarda dollarë aksione të Teslës për të financuar blerjen e tij të Twitter.
Indeksi i miliarderëve të Bloomberg, i cili u lançua në mars 2012, është një renditje ditore e 500 njerëzve më të pasur në botë në bazë të fitimit të tyre neto.
Horoskopi ditor, e martë 28 shkurt 2023
Horoskopi ditor, e hënë 27 shkurt 2023
