Kreu Stil Jetese

Dietat e lëngjeve një ide e mirë për humbje peshe?

4 Korrik 2023, 11:11

Dieta e Lëngjeve konsiston në konsumimin e ushqimeve në formën e puresë për një javë, por jo për një periudhë të gjatë kohore, pasi trupi ka nevojë të vazhdueshme për një sërë ushqyesish. Si fillim shtoni sasinë e lëngjeve në ditën tuaj për ta mësuar trupin me këtë regjim. Zgjidhni të preferuarat tuaja në fruta perime dhe bulmetra, duke patur në mendje që ato të jenë natyrale të sapogatuara e pa konservantë të shtuar. Pra, mundohuni t’i përgatitni në shtëpi për të mos u shqetësuar për kaloritë apo yndyrnat e këqija që do të merrni gjatë këtij rrugëtimi.

Nëse do të filloni ditën e striktë të lëngjeve mbani në mendje se kjo dietë është një fillim për personat që janë të paktën 8 kilogramë mbi peshë. Me fillimin e kësaj diete parashikohet të humbisni të paktën 3-4 kilogramët e parë për të vazhduar më pas me dieta të tjera të përshtatshme për ju.

Duke qenë se ky regjim zgjat vetëm 1 javë nuk është ideal për të humbur menjëherë peshën e tepërt pasi kjo nuk është as e shëndetshme. Mund ta nisni gjatë fundjavë kur nuk keni shumë aktivitet fizik, nuk shkoni në shkollë apo punë dhe trupi nuk ka nevojë të sforcohet. Kjo dietë detoks përdoret për të larguar ujërat dhe toksinat e këqija nga organizmi.

3 ditët e para; Dietologët këshillojnë që për të filluar të konsumoni vetëm perime të caktuara nën një regjim strikt. Zgjidhni qepën, peshin, lakrën, lulelakrën, kungulleshkat dhe spinaqin. Përziejini në mikser për t’i bërë pure dhe konsumoni menjëherë sipas kombinimit që keni menduar. Nuk këshillohet përdorimi i erëzave, vajit të ullirit kripës apo sheqerit.

4 ditët e tjera; Gjatë pjesës tjetër të mbetur të javës këshillohet ta shtoni gradualisht ushqimin me supa, pure, krem frutash e perimesh si dhe supë me lëng perimesh. Mund të përdorni patatet, karotat, bishatajorët e ndërsa për frutat mund t’i konsumoni ato të stinës duke lënë jashtë bananet dhe kajsitë.

Kini parasysh që të konsumoni lëngje gjatë gjithë ditës pa patur problemin e kalorive. E rëndësishme në këtë dietë është që ju të konsumoni vetëm lëngje e të merrni energji. Një ditë e juaja mund të nisë me kafe ose lëng më pas të vazhdoni duke konsumuar një lëng frutash të freskët. Në drekë konsumoni supë me perime ose kremoze sipas dëshirës, pasdite konsumoni kos me fruta dhe në darkë sërish supë. Siç e përmendëm edhe më parë, kjo dietë nuk duhet të zgjasë më shumë se 1 javë pasi mund të bëhet e dëmshme për organizmin.

Tags:

Home bordo