Ndërsa na ndajnë vetëm pak orë nga nisja e koncertit të yllit ndërkombëtar Ricky Martin, dukët se koncerti i sotëm do të ketë një ndryshim nga ai i Enrique Iglesias që performoi 1 muaj më parë në Tiranë.
Ndryshe nga koncerti i Iglesias ku publiku ka qëndruar në këmbë, kësaj here njerëzit do të kenë mundësi të rrinë ulur, duke qenë se në sheshin Skënderbej janë vendosur karrige.
Vendosja e karrigeve duket se nuk ka qenë zgjedhje e organizatorëve shqiptarë, por është këkuar nga stafi i Ricky Martin si pjesë të kontratës.
Artisti latin do të shoqërohet në skenë nga orkestra profesionale e Teatrit të Operas dhe Baletit për rreth dy orë. Artisti latin ndodhet në Shqipëri prej dy ditësh ku ka bërë një minitur deri në qytetin e Durrësit. Martin në këtë udhëtim ka ardhur i shoqëruar nga dy djemtë e tij binjakë 14 vjeçarë.
