Tirana International Airport ka udhëtarët që kanë planifikuar që të bëjnë udhëtime përmes Aeroportit “Nënë Tereza” të Rinasit, që të paraqiten të paktën 3 orë para nisjes për në destinacion, për të bërë check-in.
Ky orar vlen për një muaj, nga dita e sotme e deri në datën 10 shtator. Në njoftimin zyrtar kërkohet të merret parasysh koha e mundshme shtesë që nevojitet për kontrollin e bagazheve, kontrollet e sigurisë dhe çdo rrethanë të paparashikuar që mund të zhvillohet.
“Tirana International Airport dëshiron t’ju informojë për një përditësim në lidhje me procesin e checkin dhe sigurisë në Tirana International Airport (TIA) nga sot deri më 10 shtator. Për të siguruar udhëtim të qetë dhe për të akomoduar pasagjerët e shtuar gjatë kësaj periudhe, do t’iu kërkonim të gjithë pasagjerëve të mbërrijnë në aeroport të paktën 3 (tre) orë përpara kohës së planifikuar të nisjes.
Ju lutemi, merrni parasysh kohën e mundshme shtesë që kërkohet për kontrollin e bagazheve, kontrollet e sigurisë dhe çdo rrethanë të paparashikuar që mund të zhvillohet.
Kjo masë synon të përmirësojë përvojën e përgjithshme të udhëtimit për të gjithë pasagjerët. Si gjithmonë, siguria dhe komoditeti juaj mbeten prioritetet tona kryesore.
Duke mbërritur herët, ju na lejoni të kryejmë procedurat e nevojshme me shpejtësi dhe efikasitet. Faleminderit për bashkëpunimin dhe presim t’ju shërbejmë gjatë udhëtimit tuaj nga Aeroporti Ndërkombëtar i Tiranës”, thuhet në njoftimin e publikuar nga “Tirana International Airport”
Zyrtare/ Korriku, muaji më i nxehtë në histori!
Horoskopi ditor, e mërkurë 9 gusht 2023
Ide dekori për një ambient më të këndshëm!
Fakte që nuk i dinit mbi Giorgio Armani!
Receta gatimi; freskia e frutave të verës!
Horoskopi ditor, e martë 8 gusht 2023
