Një ditë pasi Sam Asghari dorëzoi dokumentet për t’u ndarë ligjërisht nga Britney Spears pas 14 muajsh martesë, ai ka reaguar për ndarjen e tyre.
“Pas 6 vitesh dashuri dhe përkushtim ndaj njëri-tjetrit, unë dhe gruaja ime kemi vendosur të përfundojmë rrugëtimin tonë së bashku. Ne do të mbajmë dashurinë dhe respektin që kemi për njëri-tjetrin dhe i uroj asaj gjithmonë më të mirën. Të kërkosh privatësi duket qesharake, kështu që unë thjesht do të kërkoj që të gjithë, përfshirë mediat, të jenë të sjellshëm”.
Sa i përket Britneyt, ajo ende nuk e ka komentuar ndarjen publikisht. Një burim konfirmoi ndarjen për “NBC News” më 16 gusht, duke theksuar se ndarja është “më e mira për Britney”.
Sam paraqiti dokumentet për t’i dhënë fund martesës zyrtarisht vetëm disa orë pasi raportet e ndarjes u shfaqën më 16 gusht, duke përmendur “dallimet e papajtueshme” si arsyen e ndarjes në një dosje të siguruar nga “E! News”.
Në dokumente, 29-vjeçari ka kërkuar gjithashtu që këngëtarja e “Womanizer” të paguajë tarifat e mbështetjes bashkëshortore dhe avokatit, por ka deklaruar edhe se “duhet të përcaktojë ende natyrën dhe masën e plotë të pasurive dhe detyrimeve të veçanta pronësore të secilës palë”.
“E! News” ka kontaktuar me përfaqësuesit dhe avokatët e Britney dhe Sam për koment, por nuk ka marrë përgjigje.
Britney dhe Sam u martuan në një ceremoni martesore të mbushur me yje në qershor 2022 pas gati gjashtë vitesh lidhje. Në atë kohë, një burim i tha “E! News” se këngëtarja e “Gimme More” ishte “shumë emocionuese gjatë ceremonisë”, duke vënë në dukje se Sam “po i fshinte lotët me dashuri”.
Në fakt, sipas burimit të brendshëm, dasma e tyre ishte “shumë e ëmbël dhe prekëse”.
Horoskopi ditor, e premte 18 gusht 2023
A duhet të konsumoni kafe gjatë shtatzënisë?
VIDEO/ Nick Jonas rrëzohet në skenë!
Si të humbni peshë pa nevojën e dietave?
Horoskopi ditor, e enjte 17 gusht 2023
