Tatuazhet e reja të Angelina Jolie janë zbuluar dhe nuk është ajo çfarë spekuluan fillimisht fansat. Aktorja dhe regjisorja 48-vjeçare vizitoi artistin e njohur të tatuazheve z. K për të bërë dy tatuazhe të vogla në pjesën e brendshme të gishtave të mesit.
Z. K, i cili punon në studion e Nju-Jorkut, Bang Bang, postoi një foto të pëllëmbëve të hapura të Jolie, duke mjegulluar bojën e re. Ndërsa disa mendonin se tatuazhet ishin imazhet aktuale të paqarta, z. K shkroi, “Njerëz, është fotoshopuar për të mbuluar tatuazhin”.
Fansat gjithashtu filluan menjëherë të spekulonin se arti i ri i trupit të Jolie ishte një mesazh agresiv për ish-bashkëshortin e saj, Brad Pitt, por zoti K nxitoi në seksionin e komenteve për t’u sqaruar. Duke premtuar se do të postojë tatuazhet aktuale “shumë shpejt”. “Nuk ka asnjë lidhje me Brad Pitt”, shkroi ai.
Artisti i famshëm i tatuazheve më pas shkoi në faqen e tij, për të ndarë një tjetër imazh të bojës dhe për të ofruar një shpjegim të plotë të artit më të fundit të Jolie.
“Së pari, më vjen keq për të gjitha spekulimet e këqija dhe sinqerisht i kërkoj falje @angelinajolie për stresin që mund t’i ketë shkaktuar. Ky tatuazh përfaqëson dy kamë në mënyrë gjeometrike abstrakte/asgjë që lidhet me fenë apo kryqin #angelinajolie #mrktattoo”, tha ai, duke u dhënë fund të gjitha aludimeve.
Fotot e Jolie nga Paparazzi të bëra në fillim të kësaj jave tani tregojnë se tatuazhet nuk janë një mesazh i drejtpërdrejtë për ish-bashkëshortin e saj. Ato janë kamë të vogla të krijuara për t’u dukur sikur po e shpojnë lëkurën e saj.
Fituesja e Oscarit ka qenë një adhuruese prej kohësh e simboleve të mprehta dhe ka koleksionin e saj të gjerë të thikave.
Horoskopi ditor, e premte 25 gusht 2023
Për sa ujë ka nevojë trupi ynë?
