Moderatorja Marina Vjollca së bashku më bashkëshortin e saj, reperin Getoar Selimi, dhe vajzën e tyre po shijojnë disa ditë pushimi në Afrikë. Ata kanë zgjedhur që disa prej momenteve më të bukura dhe më të veçanta t’i ndajnë edhe me ndjekësit e tyre.
Getoari herë pas herë zgjedh që partneres së tij t’i bëjë dedikime në rrjetet e tij sociale, të cilat marrin padyshim vëmendjen e të gjithëve. Dhe kështu ka ndodhur edhe së fundmi!
Ai ka publikuar një foto familjare dhe krah saj ka bërë një dedikim emocionues për Marinën dhe Marget, “Përkufizimi im me 4 fjalë për lumturinë; gruaja dhe vajza ime”, ka shkruar ai.
Në mesin e shumë komenteve që kanë marrë nga ndjekësit dhe miqtë, spikasin fjalët e moderatores, e cila shkruan, “Te dua burri im më i miri në botë”.
Këto pushime do të jenë të paharruara për familjen Selimi, dhe këtë e ka thënë edhe vetë Marina, e cila në një nga postimet e saj, ka shkruar, “Nëse kam parë ndonjëherë magji, ajo ka qenë në Afrikë!”./bordo.al
