Arbana Osmani nuk ka reaguar hapur ndaj lajmit se mund të mos prezantojë ‘Big Brother Vip 3’, i cili bëri shumë bujë. Megjithate, moderatorja e hodhi nje "hap sqarues" si me lezet.
Ajo ka publikuar një foto duke pirë kafe, Lori Caffe në ambientet e Top Channel, si pët te treguar se gjerat vijojne normalisht, edhe pse mbetet ende për t`u parë nëse do të jetë apo jo Arbana ajo që do të moderojë “BBVA3”.
Burime të ndryshme brenda Top Channel thanë për Anabel se moderimi i BBVA mbetet i paqartë për shkak të një “ngërçi” mes administratorëve të televizionit dhe Arbanës, që mendohet se ka lidhje me negociatat mbi kompensimin financiar.
Çështja është ende e pasigurt, por ekziston mundësia që të mos jetë Arbana Osmani moderatorja e sezonit të ardhshëm. Një emër që mendohet se mund t’i besohet BBVA-3 është Ledion Liço. Ky i fundit, prej kohësh i angazhuar si producent në Top Channel, mund të jetë gati për rikthimin në ekran, qasje që duket sikur vërtetohet edhe falë projekteve të fundit si “A live night” apo filmi “Në kuadër të dashurisë”.
Galeria fotografike
