Pas mbarimit të “Love Island” kërshëria e publikut është e madhe, nëse çiftet që u formuan në këtë ‘reality show’ do të vazhdojnë romancën jashtë formatit.
Një nga çiftet më të pëlqyer dhe më të komentuar janë padyshim Ilda dhe Stivi. Pak ditë më parë në media qarkulluan lajme se ata i kishin dhënë fund romancës së tyre, që nisi që në javën e parë të spektaklit.
Por lajmet mesa duket nuk janë të vërteta, pasi revista “Bordo” ka siguruar foto të çiftit, i cili ka qenë së bashku gjatë fundjavës. Ata janë parë të lumtur në një nga lokalet më të frekuentuar në qytetin e Korçës, teksa shijonin dhe kërcenin tingujt e bukur të muzikës 'live'.
Ilda ka ndarë momente në rrjetin e saj social Instagram nga lokali ku ndodhej, por pa zbuluar në shoqërinë e kujt ishte.
Veç fotove që “Bordo” ka siguruar, Ilda ka zgjedhur që lajmet e ndarjes ti hedhi poshtë duke uruar njeriun e saj të zemrës me anë të një postimi në InstaStory këtë të diel. Teksa ka publikuar një foto të Stivit, ajo ka shkruar, “Happy Birthday”, duke e shoqëruar postimin edhe me nje emoji zemre.
Galeria fotografike
