Në një intervistë të dhënë pak ditë më parë për revistën “Fabulous” këngëtarja Nicole Scherzinger ka akuzuar ish-të dashurin e saj Lewis Hamilton, se ka qenë shumë egoist gjatë lidhjes së tyre.
Ajo ka treguar se Lewis Hamilton kampioni i Formula 1 nuk i kushtonte vëmendje mjaftueshëm në 7 vite që qëndruan së bashku. Nicole thotë që ka dhënë shumë nga vetja e saj, por nuk ka marrë asgjë mbrapsht.
“Si gra, ne priremi ta duam personin tjetër dhe të japim gjithçka për të, por ndonjëherë personi tjetër është shumë egoist dhe mendon vetëm për veten e tij”- deklaroi këngëtarja.
Edhe pse nuk ka dashur të dorëzohej pas një kohe të gjatë ajo hoqi dorë nga kjo marrëdhënie e pa të ardhme. Për të ndarja ka qenë shumë e vështirë, por vendosi të ecte para.
Ish-pjesëtarja e grupit “Pussycat Dolls” është tani në një lidhje me yllin e tenisit Grigor Dimitrov.
“Unë nuk bie lehtë në dashuri, por kur ndodh përfshihem e tëra dhe i dedikohem asaj.”- thekson Scherzinger
