Rregullatori i Barnave për Bashkimin Europian, të enjten i ka lejuar shteteve anëtare të BE-së përdorimin e pilulës së Pfizer kundër COVID-19. Kjo leje u dha si masë emergjente për të ndaluar një valë të re të sëmundjes, para se ky ilac të aprovohet formalisht për përdorim, thote RFE.
Gjigandi farmaceutik i Shteteve të Bashkuara të Amerikës tha këtë javë se pilula- një trajtim i ri që është i parashikuar të përballojë variantin Omicron- ka zvogëluar numrin e shtrimeve ne spital dhe vdekjeve tek njerëzit me rrezik, deri në 90 për qind. “Produkti mjekësor, që ende nuk është autorizuar në BE, mund të përdoret për të trajtuar të rriturit me COVID-19, të cilët nuk kanë nevojë për shtesa të oksigjenit dhe të cilët janë në rrezik të shtuar për të kaluar në sëmundje të rëndë”, tha EMA në një deklaratë të saj.
EMA e beri këtë pohim për të mbështetur autoritetet shtetërore që mund të vendosin në përdorim të hershëm këtë terapi… për shembull për përdorim emergjent, në një periudhë ku shkalla e infektimit është rritur së bashku me vdekjet nga COVID-19 në BE.
Trajtimi i quajtur, “Paxlovid”, është kombinim i dy tabletave që merren ndaras.
“Paxlovid duhet të administrohet sa më herët që është e mundur pas diagnostifikimit me COVID-19 dhe brenda pesë ditësh nga nisja e simptomave”, tha EMA duke shtuar se tabletat duhet të merren më pastaj edhe për pesë ditë të tjera.
