Monika Lubonja është në moshë të pjekur tashmë, por kjo nuk e pengon nënën e saj të shqetësohet për të bijën, dhe sidomos për mënyrën sesi është ushqyer gjatë këtyre muajve brenda shtëpisë së Big Brother VIP.
Aktorja rrëfeu se natën e parë e kaloi tek një mikeshë sepse nuk ishte e përgatitur dhe zbuloi fjalët që i tha e ëma pasi e takoi.
“Ajo më puthi aq shumë se e kishte marrë malli shumë, i kishte munguar pjesa ime. Por kur u ul në një moment që më shihte thoshte “më raftë pika sa je dobësuar, po nuk ke ngrënë fare”. Në një moment që jam prekur është se ishte të gjithë mall dhe thoshte, edhe të të shaja nuk kisha mundësi. Ditën e parë që dola, unë ndejta tek mikesha ime se dhe unë nuk isha shumë e përgatitur. Kam qarë, por jo se dola se isha e bindur për këtë. Unë pashë vajzën, Tean.
Mendova se ka ndodhur ndonjë gjë kur pashë Tean. Ti nuk e di se çfarë ke bërë dhe ndonjëherë janë disa shprehje duarsh apo që të kesh folur ndonjë fjalë, si mund të ishte mamaja, mos i kishte ndodhur gjë asaj përderisa Tea kishte ardhur. Ishte emocion i madh dhe dalja nga shtëpia se u bë pjesë e jetës tonë. Sado, kur ti del dhe merr rrugën drejt derës, e ndjen se do kesh mall për tu futur përsëri”, tha Monika.
