Këshilltari i lartë i presidentit të Ukrainës, Mykhailo Podoliyak, tha se ka informacione se Rusia do të shpallë gjendje lufte më 4 mars.
Me anë të një postimi në Twitter ai shkroi se në këtë datë të dyja dhomat e Parlamentit rus do të mbajnë takime të jashtëzakonshme.
“Më 4 mars, të dy dhomat e parlamentit rus do të mblidhen për një seancë të jashtëzakonshme urgjente. Siç e kuptoj unë, në agjendë është miratimi i gjendjes së luftës në Rusi, si masë parandaluese”, shkruan ai.
Ai tha se nëse miratohet, gjendja e luftës mundëson ndalesë totale të qytetarëve në protesta, shkëputje nga bota e jashtme dhe kufizime financiare.
Galeria fotografike
