Einxhel Shkira ka krijuar një marrëdhënie mjaft të mirë me motrën e partnerit të saj Dj Dagz, Aurorën, e kjo u pa qartë edhe tek urimet që i bëri për ditëlindje në një intervistë për Top Albania Radio.
“Jo 100 vjeç po i uroj sa ti dojë zemra dhe sa të ketë fuqi të jetojë, rrofsh sa malet o Malo dhe ti realizohen absolutisht te gjitha ëndrrat dhe dëshirat e saj. Të jetë sa më e arrirë dhe e sukseshme ashtu si asaj i ka hije se është me të vërtetë një vajzë për tu admiruar dhe sigurisht shëndet dhe lumturi, janë më të rëndësishmet. Aurora të puth fort”, tha moderatorja.
Marrëdhënia e Einxhel me DJ Dagz po ecën mjaft mirë edhe jashtë shtëpisë së Big Borther VIP, e dyshja është vënë në vëmendjen e ndjekësve me cdo gje që bën, teksa përmes intervistave dhe shfaqjeve të ndryshme në televizion, nuk ngurrojnë ta tregojnë ecurinë e lidhjes së tyre.
Kjo lidhje për momentin është ndarë mes Tiranës dhe Prishtinës, pasi për shkak të angazhimeve që kanë, ende nuk e kanë vendosur me sa duket se ku do të jetojnë përfundimisht.
