Pas largimit të Ben Blushit nga Top Channel, ky televizion ka qenë në qendër të vëmendjes pasi kërshëria se kush do të ishin drejtuesit e radhës të një nga mediave më të rëndësishme në vend ishte e madhe.
Burime pranë revistës “Bordo” kanë mësuar se mbrëmjen e kësaj të mërkure është zhvilluar mbledhja e fundit nga ku është vendosur se Ledion Liço do të jetë drejtori i televizionit informativ “Top News” dhe “Top Albania Radios”.
Ndërkohë po të njëjta burime bëjnë me dije se Lori Hoxha do të mbajë detyrën e administratores, ndërkohë Sokol Balla atë të drejtorit i Informacionit të Top Channel.
Ndryshime të rëndësishme këto në Top, të cilat synojnë rikthimin e lulëzimit të këtij televizioni.
Kujtojmë që Ledion Liço u largua nga Top Channel pas një sherri që pati asokohe me drejtorin Ben Blushi teksa përgatitej për “The Voice”.
