Një aksident i rëndë ka ndodhur ditën e sotme në vendin e quajtur Bishti i Zhurit në Rrogozhinë, ku një makinë u përplas nga një kamion.
Fillimisht u raportua për dy viktima nga aksidenti, por pas ndërhyrjes së forcave zjarrfikëse dhe policisë thuhet se bëhet fjalë për katër viktima.
Trupat e të aksidentuarve ndodhen ende në brendësi të makinës, pasi është deformuar tërësisht nga përplasja e fortë me kamionin dhe kërkohet ndërhyrje më e specializuar për nxjerrjen e tyre.
Policia ndodhet në vendin e ngjarjes dhe po heton për rrethanat e aksidentit. Dyshohet se bëhet fjalë për pjesëtarë të një familjeje dhe shkak për aksidentin dyshohet për shpejtësi jashtë normave të lejuara.
Galeria fotografike
