KreuCelebrity

Tmerri në Shkup: 14 vjeçarja gjendet e vrarë, policia: I ati bashkëpunoi me rrëmbyesit!

 

Tmerri në Shkup: 14 vjeçarja gjendet e vrarë, policia: I ati

Policia dhe prokuroria maqedonase njoftoi sot arrestimin e tre personave të dyshuar për vrasjen e 14-vjeçares, Vanja Gjorçevska nga Shkupi, si dhe ekzekutimin e një personi tjetër me inicialet P.ZH, 74 vjeç nga qyteti i Velesit. Njëri nga personat e arrestuar është edhe babai i vajzës. Lidhur me këto raste janë të dyshuar edhe dy persona të tjerë, njëri prej të cilëve, që besohet të jetë edhe autori i krimit, është arratisur nga Maqedonia e Veriut, thote REL. Trupi i pajetë i 14-vjeçares është gjetur të dielën në Shkup, ndërsa ai 74-vjeçarit është gjetur në Veles.

Vanja Gjorçevska, 14 vjeçe, ishte zhdukur më 27 nëntor, pas daljes nga shtëpia për të shkuar në shkollë. “Lidhur me të dyja rastet janë të dyshuar pesë persona dhe për tre prej tyre është caktuar masa e paraburgimit, njëri ndodhet në arrati jashtë shtetit. Ndërsa, personi i pestë, babai i vajzës së mitur, është arrestuar, është marrë në pyetje dhe po merren masa të tjera nga ana e Prokurorisë Publike... Organizatori kryesor dhe autori i aktit, pasi vrau vajzën me pistoletë, është arratisur”, ka deklaruar ministri i Punëve të Brendshme, Oliver Spasovski.

Tmerri në Shkup: 14 vjeçarja gjendet e vrarë, policia: I ati

Ai u shpreh se policia do të bëjë gjithçka të mundur për nxjerrjen para drejtësisë të autorit kryesor të krimit. Fjala është për personin me inicialet L.P nga Shkupi, i njohur në opinion si drejtues i lëvizjes “E treta”. “Do të bëjmë gjithçka që ky person apo kjo monstër sapo të shkele në tokën tonë, të vihet para drejtësisë”, ka thënë Spasovski. Kreu i MPB-së bëri të ditur se motivi i vrasjes ishte përfitimi material prej nënës se vajzës së vrarë dhe se në këtë rast, është i përfshirë babai i saj, i cili, siç është shprehur Spasovski, i ka informuar anëtarët tjerë për kohën kur ka dalë vajza nga shtëpia dhe lëvizjen e saj drejt shkollës. “Motivi për këtë rast është përfitimi, me ç’rast një nga personat në marrëveshje edhe me një anëtar të familjes, kanë organizuar dhe kryer aktin me qëllim që të marrin para nga nëna e vajzës së mitur që më pas të gjithë të keni përfitime”, ka thënë Spasovski.

Sipas policisë, viktima tjetër nga Velesi nuk kishte lidhje me vajzën, por kishte konflikte me një anëtar tjetër të grupit të dyshuar kriminal. “Sa i përket viktimës tjetër, burrit të moshuar nga Velesi, ai nuk ka asnjë lidhje me vajzën e mitur, por [është vrarë] për shkak të raporteve konfliktuale me një nga të dyshuarit, kurse automjeti i tij [74 -vjeçarit] është shfrytëzuar për ta marrë dhe vrarë vajzën. Automjeti është djegur dhe më pas është vrarë personi nga Velesi”, ka thënë Spasovski. Për këtë ngjarje, që ka tronditur opinionin në Maqedoninë e Veriut, prokurori publik Gavrill Bubevski tha se do të ketë “dënime të rrepta” bazuar në Kodin Penal të Maqedonisë së Veriut.

“Motivi është përfitimi, por kur bëhet gjatë rrëmbimit, atëherë motivi është vrasja e pastër. Vrasja e të miturve, por edhe motive të tilla parashikojnë dënimet më të rënda”, deklaroi prokurori Bubevski.

Bordo
Shtator - No.63

SHKARKO VERSIONIN PDF