I shijuam shumë “Pushime on top” me Ori nebiaj. Me lirshmërinë e saj, thjeshtësinë, por edhe pamjen e lavdërueshme, moderatorja përshtatet shumë mirë me atë format, duke e bërë edhe më të dashur për publikun.
Megjithatë, në pjesën tjetër të vitit jemi mësuar ta shohim tek “ Wake Up”, ku prej kaq kohësh na shoqëron mëngjesve së bashku me Isli Islamin.
Por një postim i Orit në rrjetet sociale, ka bërë të ngrihen menjëherë pyetje mbi vazhdimësinë e saj në emisionin, i cili e ktheu në figurën kaq të dashur që njohim sot. “Po sikur të fle pak këtë sezon?”, shkruan Ori, duke e shoqëruar fjalinë me një ‘emoji’ që me siguri i ka bërë të gjithë konfuzë.
Ajo vetë nuk dha më shumë detaje, por nuk vonuan hamendësimet se në këtë mënyrë ndoshta po paralajmëron shkëputjen. Megjithatë, na mbetet të presim e të shohim!
