Paris Hilton rrëfeu se videoja e saj me “pullë të kuqe” që përfundoi në internet në 2004-tën, e ka lënë më trauma psikologjike. Sot 40 vjecare, trashëgimtarja e pasur ende ndien dhimbje për skandalin ku u përfshi asokohe, kur ish i dashuri i vet, Rick Salomon, nxorri filmimin intim me të, duke e titulluar: “ Një natë në Paris”. Hilton thotë se në atë moment, “jeta e saj u shkatërrua”.
“ Kur ndodhi kjo, njerëzit u sollën shumë keq me mua. Ato cfarë u shkruan, cfarë u thanë nëpër emisione televizive, ishin një makth i vërtetë. Qaja cdo ditë. Nuk doja më të dilja nga shtëpia. Nuk doja ta tregoja më fytyrën, thashë se aty mbaroi gjithcka për mua. U poshtërova, ajo duhet të ishte thjesht një eksperiencë intime mes dy njerëzve. Kur e dashuron dikë, ke besim tek ai, por besimi im u tradhëtua dhe bota pa atë që nuk duhet të shikonte”, tha Paris.
