Mbetjet trupore të 215 fëmijëve, disa të moshës trevjeçare, janë gjetur në një ish-shkollë rezidenciale për fëmijët indigjenë në Kanada. Kryeministri kandaez Justin Trudeau tha se ky zbujlim “të këput shpirtin”. Fëmijët kanë qenë nxënës të shkollës Kamloops Indian, e cila është mbyllur në 1978, sipas Tk’emlúps te Secëépemc, që përfaqëson një fis të popullatës Secëepemc. “Ne e kemi ditur brenda komunitetit tonë që jemi në gjendje t’i verifikojmë” ka thënë Rosanne Casimir shef i Tk’emlúps te Secëépemc përmes një deklarate. “Tani kemi më shumë pyetje sesa përgjigje”, u shpreh ajo. Sistemi i shkollës në Kanada, që me forcë ka ndarë fëmijët indigjenë nga familjet e tyre, është shpallur “genocid kulturor”, pas një studimi të kryer më 2015. Raporti ka dokumentuar abuzim të tmerrshëm fizik, dhunim, kequshqyerje dhe mizori tjera, me të cilat janë përballur rreth 150,000 fëmijë, që kanë qenë në këto shkolla, kryesisht të udhëhequra nga kishat katolike në periudhën 1840-1990. Sipas raportit, më shumë se 4,100 fëmijë, që kanë qenë pjesë e shkollës rezidenciale, kanë vdekur. Vdekjet e 215 fëmijët të varrosur në atë që dikur ka qenë shkolla më e madhe rezidenciale, besohet të mos jenë përfshirë në këto të dhëna, dhe nuk janë dokumentuar deri para zbulimit. Trudeau ka thënë përmes Tëitterit se është përkujtim i një kapitulli të errët dhe të turpshëm të historisë së shtetit. Në 2008, Qeveria kanadeze ka kërkuar falje zyrtarisht për këtë sistem./REL/
