“Yje në Lëkurs” është programi veror më i ri që do të bëjë bashkë emra të mirënjohur të artit shqiptar. Një spektakël pop-classic që do të zhvillohet në Kalanë e Lëkurësit dhe do të sjellë duetet e artistëve shumë të dashur shqiptar si, tenorin Kastriot Tusha me sopranon Adelina Paloja, baritonin Armando Likaj me këngëtaren e muzikës së lehtë Mariza Ikonomi, gjithashtu aktoren Ema Andrea me një poezi e cila do të përshëndes publikun e telespektatorët.
Producenti dhe prezantuesi Sokol Guga këtë herë vjen me një ide origjinale, ku programi i cili do të zgjasë rreth dy orë do të sjellë këngë të njohura botërore të cilat do të vijnë të shoqëruara nga orkestra filarmonike.
E veçantë në këtë spektakël do të jetë edhe intervista që Sokol Guga do të realizojë me të zotin e shtëpisë, kryetarin e bashkisë Sarandë Z. Adrian Gurma, i cili ka mbështetur artistët në këtë sipërmarrje.
Duket se gjithçka është gati për natën e madhe, ku spektatori do të shijojë një mbrëmje me vlera të vërteta artistike, ndërkohë që gjithë teleshikuesit do të kenë mundësi ta ndjekin në televizionin Klan Plus.
Galeria fotografike
