Dëshpërimi mbërriti kulmin në aeroportin e Kabulit, ku nënat kanë hedhur fëmijët e tyre të vegjël mbi telat me gjemba duke iu lutur ushtarëve ndërkombëtarë që t`i shpëtojnë. “Ato ulërinin: “Shpëtoni fëmijën tim”, dhe pastaj i hodhën drejt nesh. Disa fëmijë ranë mbi telat me gjemba. Ishte e tmerrshme. Nuk mbeti njeri prej nesh pa nxjerrë lotë”, tha një ushtar britanik për The Independent. Mijëra vetë mësynë aeroportin e Kabulin me shpresën të arrinin të largoheshin prej andej pasi vendi ra në duart e talebanëve. Por largimi nga Kabuli është kthyer në një mision gati të pamundur së fundi, pasi militantët, pavarësisht se kishin premtuar të mos i pengonin largimet, tani po bëjnë të kundërtën.
