Franca ka vendosur të përforcojë më tej masat anticovid, për të përballuar përhapjen e shpejtë të Omicron.
Për tri javët e ardhshme të gjitha tubimet publike do të kufizohen në 2 000 njerëz për mjediset e mbyllura dhe në 5 000 njerëz për ato në mjedis të hapur. Nisur nga 3 janari puna nga shtëpia do të bëhet e detyrueshme për të paktën tre ditë në javë.
Po ashtu edhe mbajtja e maskës do të bëhet sërish e detyrueshme jashtë në qendrat e qyteteve.
Por kryeministri Jean Castex ka bërë të ditur se nuk do të ketë shtetrrethim për natën e Vitit të Ri dhe shkollat do të rihapen siç ishte planifikuar në fillim të janarit.



















