Pas më shumë se 50 vitesh që nuk flitej për këtë sëmundje, duket se autoritetet italiane dyshojnë se sëmundja e kolerës mund të jetë rikthyer.
Një i moshuar në qytetin italian të Sardenjas ka shfaqur simptoma të sëmundjes infektive, ç’ka ka bërë që autoritetet e shëndetësisë të ngrenë alarmin.
Pacienti është shtruar në departamentin e sëmundjeve infektive të spitalit Santissima Trinità në Cagliari i infektuar nga kolera dhe gjendja e tij është e qëndrueshme dhe po përmirësohet.
Duke qenë se i sëmuri ka shfaqur shenja rreth një muaj më parë dhe është shumë e vështirë për të përcaktuar ku dhe si është infektuar.
Mjekët po kryejnë kontrolle epidemiologjike te familjarët e pacientit që jetojnë në zonën e Medio Campidano dhe që aktualisht nuk shfaqin asnjë simptomë, megjithatë priten rezultatet e analizave.
