Ankthi këto kohët e fundit është i pranishëm më shumë se kurrë e njerëzit po përpiqen fort të mos e humbasin toruan. Sipas ekspertëve, një regjim ushqimor i balancuar mund të ndihmojë shumë në rikthimin e ekuilibrave hormonalë por edhe sheqerit në gjak, gjë që kontribuon në mirëqenien tonë emocionale.
Ekspertët japin shumë këshilla për eliminimin dhe zbutjen e ankthit nëpërmjet përzgjedhjes së ushqimeve të caktuara të dobishme për gjendjen tonë emocionale.
Salmoni i egër, skumbria, trofta dhe sardelet janë shumë të pasura me zink, një ushqyes shumë i rëndësishëm për njerëzit që vuajnë nga ankthi. Për më tepër, ato ofrojnë acide yndyrore Omega-3, të cilat luajnë një rol jetësor për shëndetin e trurit. Sipas ekspertëve, njerëzit që vuajnë nga ankthi duhet të konsumojnë dy racione peshk në javë.
Ushqimet e fermentuara në kushtet e shtëpisë, siç janë lakra turshi, kosi, kefiri apo kastravecat turshi ndikojnë në uljen e niveleve të ankthit. Një studim i publikuar në revistën Psychiatry Research zbuloi se ushqimet e fermentuara të pasura me probiotikë ulin nivelet e ankthit.
Prodhimet e freskëta të tokës janë një burim i shkëlqyer antioksidantësh. Nivelet e ulëta të tyre kontribuojnë në rritjen e niveleve të ankthit. Besohet se ngrënia e frutave dhe perimeve në mënyrë të rregullt rikthen qetësinë shpirtërore. Ekspertët këshillojnë ngrënien e 2-3 racioneve me fruta dhe perime në ditë.
Alkooli mund të ketë një efekt të përkohshëm qetësues, por kur ai përpunohet në organizëm, ndikon negativisht në cilësinë e gjumit. Mungesa e tij mund të shtojë ankthin, thonë ekspertët e Harvardit. Kafeina ndikon njerëzit në mënyra të ndryshme, por në përgjithësi i bën disa prej tyre nervozë dhe të acaruar. Kafeina mund të ndikojë edhe në cilësinë dhe në kohëzgjatjen e gjumit.
Shenjat më të para të dehidratimit ndikojnë te humori, thotë një studim i publikuar në gusht të vitit 2018. Sipas ekspertëve, njerëzit duhet të sigurohen të pinë mjaftueshëm ujë që të shmangin dehidratimin dhe më pas nivelet e rritura të ankthit.
Nëse njerëzit anashkalojnë vaktet, niveli i sheqerit në gjak bie dhe për rrjedhojë ankthi përkeqësohet. Kjo është veçanërisht e vërtetë në rastet kur njerëzit ushqehen kryesisht me karbohidrate dhe ushqime të përpunuara, siç është buka e bardhë, orizi, ëmbëlsirat dhe pijet e gazuara. Për rrjedhojë, ekspertët këshillojnë që vaktet të konsumohen rregullisht dhe fokusi të jetë tek ushqyerja e shëndetshme.
Horoskopi ditor, e hënë 14 gusht 2023
Horoskopi ditor, e dielë 13 gusht 2023
Beniada i hyn botës së muzikës, nis pergatitjet!
