Linda Halimi ka qenë kryefjalë e spektaklit të “Big Brother Vip Kosova” pasi ka bërë disa deklarata të forta dhe shokuese.
Si fillim pretendoi se ka vënë re tek Azemi sjellje për të cilat dyshon se ka filluar ta pëlqejë atë. Azemi i mohoi akuzat e saj dhe tha se nuk e kuptonte arsyen pse Linda duhet të bënte deklarata të tilla të pavërteta.
Më pas këngëtarja ka ngritur akuza për Bleron, duke thënë se e ka ftuar në hotel dhe e ka ngacmuar, kur këngëtari ka qenë i martuar me Teuta Krasniqin.
“Ka ndodhur jashtë shtëpisë, kur kam punuar tek emisioni i Teuta Krasniqit, para 13-vjetëve. Blero më ka çuar te hoteli ku rrija pas xhirimeve që patëm. Burrë i martuar, Blero ka insistuar që të vijë te dhoma e hotelit me mua. E mban mend këtë shumë mirë, ke thënë a mundemi të pimë nga një gotë verë dhe të qëndrojmë aty”, u shpreh Linda.
Përplasjet dhe akuzat për çështje morali kanë qenë të shumta mes Linda Halimit dhe Bleros.
