KreuCelebrity

Si ndikon ndryshimi i orës në organizmin tonë?

Si ndikon ndryshimi i orës në organizmin tonë?
Ndërrimi i orës ndodhi sot, gjatë mesnatës. Do të qëndrojmë një orë më shumë në shtrat. Nga sot do të fillojë të errësohet më shpejt. Po ajo që është e rëndësishme për ekspertët është ndryshimi që ndodh me trupin tonë. Disa njerëz gëzohen me idenë e orës shtesë të gjumit, por shumë të tjerë besojnë se ndryshimi i orës nuk duhet të ndodhë më, ashtu siç sugjeroi Komisioni Europian pas një sondazhi të bërë.

Të dhënat sipas ekspertëve tregojnë një rritje të vogël, por të konsiderueshme të aksidenteve në punë sidomos gjatë ditës së Hënë. Eksperti Neil Stanley thotë se më të prekurit janë ata që kanë një jetë të mbushur me punë dhe janë gjithë kohën në lëvizje.

Ja çfarë thotë ai: Dëshmitë dhe studimet tona tregojnë se shumë njerëz vuajnë nga ajo që quhet ‘social jet lag’, që do të thotë se njerëzit nuk flenë mjaftueshëm gjatë javës e ndërsa me ndryshimin e orës, në fundjavë mundohen të rikuperojnë mungesën, plus një orë më shumë gjumë. Sipas tij duhen tri ditë që trupi të përshtatet me ndryshimin.

“Çdo qelize të trupit i duhet gjithashtu të kthehet një orë para. Duke filluar nga qelizat, tek organet si mëlçia e deri tek funksionet e zemrës, duhet të përshtaten me ndryshimin dhe kjo gjë nuk ndodh aq shpejt, por brenda afatit që përmendet më lart, tri ditë. Sipas Stanley ne jemi të pavetëdijshëm për këto ndryshime, por efektet të gjitha i ndjejmë.”

Bordo No.64
Nëntor 2023

SHKARKO VERSIONIN PDF